MTB kapping í Hoydølum
Komandi leygardag verður aftur kappast í fjallasúkking. Kappingin er fyri unglingar og vaksin.
Tíðindaskriv:
Leygardagin kl. 14 verður kappast í fjallasúkkling, og tað er vakra økið kring Føroya Studentaskúla, ið verður karmur um kappingina.
Meðan tey vaksnu koyra 40 km, so skulu unglingar koyra 20 km.
Teinurin verður á gøtunum yvir móti Boðanesi og í gøtunum inni í viðarlundini.
Startur og mál verður við fimleikahøllina hjá Føroya Studentaskúla. Allir luttakarar skulu møta kl. 13.
Vinarliga vegna Tórshavnar Súkklufelag
Gunnar Dahl-Olsen
